which include 24 24h

Aliyekuwa Makamu wa Rais Shirikisho la soka nchini TFF, Michael Wambura, amemcharukia Rais Walleece Karia kwa madai ya kutaka kubadili baadhi ya vifungu vya katiba ya shirikisho hilo ili kujimilikisha madaraka zaidi ya kuteuwa wajumbe wengi. Pia Wambura ameongeza kuwa TFF wanatumia shilingi milioni 300 kwenye mkutano wa February 2, 2019 na baada ya muda wanaanza kulalamika kuhusu fedha za kambi ya timu za Taifa.

Kipa wa timu ya Biashara Nurdine Balora amefunguka mazito ambayo watu wengi walikuwa hawayafahamu. Kipa huyo ameweka wazi kuhusu matatizo yake na kocha wa klabu yake hiyo na sababu iliyompelekea kutolewa kwenye kipindi cha pili wakati wa mchezo wa ASFC dhidi ya Yanga. Balora pia ameweka wazi safari yake ya kuja Tanzania kwa mara ya kwanza ilikuwa ni kuja kusaini kuichezea Yanga lakini viongozi wa timu hiyo ndio walimuangusha na kupelekea kutimkia Biashara.